එදා 2000 වසර නමි බිළිඳු අද නව යෞවන වියට එළඹෙමින් සිටී ඒ බිළිඳා බිහිවූ යුගයේ අප ගී රසයෙන් පරිණත බවට පමුණුවන්නට ස්‌වකීය ශ්‍රමය කැපකල ශිල්පිනියකගේ සමුගැන්ම සටහන් කළේය
එදා අත්නොවිඳි විදුහුරු තාක්‍ෂණය අද අධිවේගයෙන් පරිණතවෙමින් සිටී එයින් ඔබ අප වන් රසිකයන් උපරීම ඵලප්‍රයෝජන අත්විඳිය යුතුය එය එසේ වන්නේය
එදා අති බහුතරයක්‌ රසිකයන්ට අතීතයේ ඇසු ගීයක්‌ රසවිඳින්නට සිත්වීද ඒ රසය විඳගැනීමට මහත් සටනක යෙදීමට සිදුවිය
දුටු සිනමා පට ජවනිකාවක්‌ සිහිකළ සැනින් දැකීම සිහිනයක්‌ම පමණක්‌ විය
ගී සංරක්‍ෂණය කරන්නට සිත් වී වැයකළ යුතු කාලය ද ගතයුතු වෙහෙස ද මහත්ය ඊට වැඩියෙන් සැළකිලිමත් විය යුතුවුයේ පිරිවැයයි
2016 වසර සඳහා තොරාගත් නිර්මාණයන්හි අතීත පසුබිමි වාර්තා එහි පුර්විකාව සරසවන්නට රැස්‌කරමින් සිටිනා අතරවාරයේ මෙහි රසිකාවියකගේ සටහනක්‌ අනුව ඇය ඇතුඵ සමාජික සමාජිකාවන්ගේ රසිකවත්ය අගයා එය පොබයා මෙසේ කෘතගුණ දක්‌වන්නට සිත්විය
—————————–
ඇයගේ හඩ කිසිවෙකුට යමිතමින් හෝ සමාන නොවේ ඒ යුගයේ ශිල්පීන්ගේ අනන්‍යතාවය එයමය ගුවන් විදුලි අසන්නන් වූ අප ඔවූහූ මුල් පදය උසුරුවන සැණෙහිම හඳුනාගත්හ
70 ගුවන් විදුලි සරළ ගී රන්යුගය බැබළවූ ශිල්පීන් අතර ඇයගේ නාමය හිනිපෙත්තේ රැඳී පවතී
රෝහන චිත්‍රකුමාර වීරසිංහ නමි වර්තමානයේ සප්තස්‌වර පෙළහර පානා ගාන්ධාර්යාණන්ගේ හඩ හා හා පුරා කියා අවදී වූ 1973 වසරේ ඔහුට සහය වුයේ ඈය ඒ //රන් තරු මිණිමුතු ආභරණ ඇඳන් // (උපාලි ධනවල විතාන) නිර්මාණයේදීය එහි ස්‌වරරටා ඇමුණුම ඔහුගේය
60 දශකයේදදී ඇයගේ හඩ නොඇසුණා නොවේ ඒ නව යෞවනියක්‌ ලෙස සමූහ ගායනයකට සහභාගි වෙමිනි එහිදී ඇය අත්වැල් ගායනා එක්‌කලේ ග්‍රේෂන් – ලෙනාඩි දෙපොළ හා සමගිනි ළමා ළපට අප පිනවු ඒ //යාල යාල යාල යන්න සතුන් බලන්න // නමින් ලියෑවුණු ගීය ගැයුවේ ග්‍රෙන්ලෙනාඩෝස්‌ නමි කැලිප්සෝ ශෛලියෙනි (ගුවන් විදුලි කන්ඩායමි ගී තීරය – 1970-80 දශක)
ඇය එවක පස්‌දුන් කෝරළයේ ගැමි ලඳක්‌ වූ බී ඇස්‌ මාලනී නමින් ගී ලොවට එක්‌වූ අප ශිල්පිනී මාලනී බුලත්සිංහල ය
—–
මල් මඳ පවනේ……තාලෙට නටනා රන්වන් රන් ගොයමේ
මනෝහර ගීතය දුර ඇසිලා..
හදවත් පුබුදන්නා
මිහිරිතම දැයකට පන පිඹිනා….
රණ බෙර සද්දේ දෑතක ඇත්තේ පෙරමුනටම යන්නා
අපේ රට සව්සිරි සැප විඳිනා
සිරිකත හිනැහෙන්නා ඉසුරුබර යුගයක් එළැඹෙන්නා..
මල් මඳ පවනේ……
කළුවර නින්දේ තිමිරය බින්දේ
අරුණළු රැස් හලලා
උදාහිරු පෙරඹර පායන්නා
නව පන ලබමින්නා
මහාජන ගඟ පෙරටම ගලනා..
මල් මඳ පවනේ……
70-80 දශක උදා ගී / අරුණ කිරණ ගී වැඩසටහන්)
ගී පද – ජයමිපතී අල්ගම ?
ස්‌වර රටා – එච් එම් ජයවර්ධන
(පදමාළාව උපුටාගැනීම මෙණු සිරිවික්‍රම සටහන)
~සටහන් පෙළගැස්ම~
Prabath Rajasooriya
ලිපියේ දැනුම මිතුරන් සමගින් බෙදා ගන්න
ඔබගේ අදහස් ඉදිරිපත් කරන්න…