prabath-rajasooriya

භාරත සලරූ ගී උන්මාදයෙන් ලක් රසිකයන් මුදවා ගැනීමේ පෙළහර පෑ මියැසි වෙදදුරාණෝ – සංගීතවේදී නැසිගිය සරත් දසනායක – (1942-1999)  – 03 වන කලාපය

විහාර බිමේ දී, ඇසළ පෙරහැර මංගල්‍යයේදී, පිංකම් පොළේදී  බොදු බැතිමත් ගී රසිකයන් හට ඉතා හුරු පුරදු තම්මැට්ටම්, ගැටබෙර, දවුල් සහිත පසගතුරු නාද මුසුව ’සරත් දසනායක’ නිර්මණ වෙතින් මතුවුයේ 70 දශකයේ ඔහුගේ සිනමා නිර්මණයන්හිදීමය. ’නිල්ල නගන ස්වර්ණ කිකිණි රාවයෙන් (නිල්ල සොයා – 1976* ඇරඹි එය කෙමෙන් ’බිඳු බිඳු කදුඵ ගලා’ මතින් ’මල් මල් වාරම් හෙල පුරසාරම් සිහිවේ සිහිවේ මල්කැකුඵ….’ (මල් කැකුඵ – 1980*  ඔස්සේ ගලා ගියේ තවත් බටහිර ඉංග‍්‍රිසි ගී ගැයු යොවුන් ශීල්පිනියක් වූ ’ෂ්‍යාමි ෆොන්සේකා’ ගේ ගී හඬ ඔස්සේය. ’ඩැල්රින්’ ගැයු පෙර කි නිර්මාණය වෙළඳ තැටිගත වන්නේ ද ඒ ක‍්‍රමවේදයටම අනුගතවය.

’හේවිසි නාද රටා පසුබිමේ ’ඔළිඳ කෙළිය’ ජන ගී රිද්මය සිහිගන්වන එය ඊට පෙරාතුව ’කස්තුරි සුවඳ’ , ’නිල්ල සොයා’ , ’ආශා දෑසින්’ , වැනි සිනමා කෘතින් හි ඔහු අනුගමනය කල සංගීත භාවිතාවේ දිගුවක් වැන්න.

’මගේ හදේ නැවුම් ලොවක් මැවෙන්නේ ……’

’පාවි සිතේ හැගුම් පැතුමි මැවෙන්නේ …..’

’පායා අඵත් සඳක් නැගෙයි සිනාවේ …’

රෑනේ කිරිල්ලියක් රැුගුම් රගාවි…..’

——————-

සමූහ ගැයුම – ඇන්ජලීන් ගුණතිලක- මිල්ටන් මල්ලවාරච්චි සමග ෂ්‍යාමි ෆොන්සේකා 

සළරුව – මල් කැකුඵ

වසර – 1980

නිපැයුම – සේන සමරසිංහ

ගී පද සැකසුම – නැසිගිය කරුණාරත්න අබේසේකර

ංංංංංංංංංංංංංංංංංංංං

හොරණ ශ‍්‍රීපාලි කලායතනයේ නිහඬ නිසළ බව බිඳිමින්, සියොතුන් කැදැළි කර පියඹා යන්නට අරගල කරන යාමයේ ’විශාල ගෙඩියක්’ සහිත සංගීත භාන්ඩයේ තත් අතරින් යුහුසුඵව ’දීපා සරත් දසනායක’ නම් කොඵ ගැටයාගේ දසැගිලි දිවයන්නට පටන් ගනී. එහි තත්හැඬවීම නිසල වන්නේ හිමිදිරියේ ’සැවුළන්’ හඬතලන යාමයේය.

1959 වසර සිංහල සුභාවිත ගීත ලෝලීන් කැළඹිමට පත් වූ වසරක් වුයේ එසමයෙහි ගුවන් විදුලි වාද්‍ය වෘන්දයේ පළමු නියමුවා ලෙස කටයුතු කල සංගීතවේදී එඩ්වින් සමරදිවාකර දිවි ගමනින් හදිසි සමුගැනීමයි. ඔහු ඒ වනවිට යොවුන් විය ඉක්මවා යමින් සිටි අතර මේ අවධියේ  අටළොස් හැවිරිදි විය ගතකරමින් සිටි ’දිපා මිල්ටන් සරත්’ යෞවනයා,  දිනක ’හේවගේ පේ‍්‍රමදාස’ නම් වු ගාන්ධර්වයාණෝ අමතා තමන්ට ’සංගීතය’ හැදෑරිමට ඇවැසි යැයි පවසනු ලැබූ අතර, ඔහු ශ‍්‍රීපාලියේ එක්තර කුටියක් වෙත යොමුකරවන ලදී. එහි විවිධාකාරයේ විවිධ ප‍්‍රමාණයේ සංගීත භාන්ඩ පිරි ඉතිරි තිබුනි. සුරත දිගුකර ’අන්න අතන තියන විශාල ගෙඩියක් වගේ එකක් තියෙන එක …..’ යනුවෙන් හඳුන්වා එය තමාට උගන්වන්නැයි අයැද සිටියේය.

පසුකාලිනව සිංහල සංගීත ක්‍ෂේත‍්‍රයට අනුපමේය දායකත්වයක් ලබාදෙන්නට සමත් වෙමින්, එහි දැවැන්තයන් බවට පත් වූ නාමයන් කිහිපයක් ඔහුගේ සමකාලීනයන් ගේ නාමාවලියට ඇතුළත් වන්නේය.

’සේන ජයන්ත වීරසේකර’, ’මර්වින් පෙරේරා’ , ’ඔස්ටින් මුණසිංහ’ , ’පුන්‍යසිරි මහවත්ත’, ’නවරත්න අත්තනායක’ (ගායිකා සුජාතා අත්තනායක ගේ සැමියාණන්* ඒ අතර වේ. ඒ ’රජයේ සංගීත විදුහලේදීය’.

’බී වික්ටර් පෙරේරා’, ’එස් ඩී එස් ජයසේකර’, ’ ඩී ආර් පීරිස්’, ’බී ඇස් විජේරත්න’ , ’කේ ඒ ධර්මසිරි පෙරේරා’  වැනි පෙරදිග උත්තර භාරතිය සංගීත ගුරුකුලයේ කැපි පෙනෙන ඇදුරන් වෙතින් ’දසනායක’ හෙවත් ’දසේ’ එහිදී සිප්සතර හැදෑරිය.

1963 වසර ගතවෙමින් පවතිද්දී, සංගීතවේදී ’ආර් මුත්තුස්වාමි’ යටතේ ’හැඳල විජයා චිත‍්‍රාගාරයේ’ වාද්‍ය වෘන්දයේ අසුන් අරා සිටින්නන් අතර ’සරත් දසනායක’ ද විය. එහි ඔහු පෙරකී ’විශාල ගෙඩිය සහිත සංගීත භාන්ඩය’ උකුලේ හොවා සිටියේය.  එහි දෙඅත් රුවාගත් ඔහු ’උඩරට මැණීකේ’ සලරූ ජවනිකාපෙළ වෙනුවෙන් සත්සර හඬ මුසුකරන්නට යෙදෙනි.

—————————-

හිමිදිරියේ හිරු එළියට ……………….

මං යනවා එහා ගමට …..

නුඹ නැතිදා කෙළෙසද මා ගමේ ඉඳින්නේ ….

අඳුර වැටෙන්නා ….

ගැල පැදවෙන්නා………..

පසුබිම – 

1977 වසරේ දී පමන ’සිල්වර්ලයින් රෙකෝඩ් බාර්’ ආයතනය ස්ථාපිත වී නිකුත් කරන්නට යෙදුනු මුල්ම ඊ පී තැටි පෙළ අතරින් ’ආචාර්ය දයාරත්න රණතුංග’ වෙනුවෙන් වෙන්කළ ඇල්බමයේ ඇතුළත් අප‍්‍රකට ගීතයයි. එහි ඇතුළත් වු ’උදුම්බරා මනාලියේ රුවින් උතුම් කුමාරියේ………….’ සහ ’පෙම් සිළිලාරේ තුන්සිත ඉතිරි….’ ගුවන් විදුලිය ඔස්සේ අතිශය ජනාදරයට පත්ව උක්ත ගීතයේ ප‍්‍රභාව මිළින ව ගියද, සරත් දසනායක සංගීතවේදියා ගේ නාද භාවිතාව සුවිශේෂීව ප‍්‍රකට කරන මන්මත් කරවන වස්දඬු රාව ඇතුළත් වූ ගීතයකි.

’70 දශකයේ’ සහ ඉන් එපිට සියවස් ගණනක ඈත යුගයක් කරා විහිදෙන ’ගැල්කරු’ වෘත්තියේ යෙදෙන ’කරත්තකරුවෙකුගේ’ පේ‍්‍රමවිප‍්‍රයෝගයේ ලතැවුල් ප‍්‍රකට කරන විරහ ගීතය, ගැල්ගමනේ රිද්ම ලාලිත්‍යයද ’කරත්ත කවි’ ගැයෙන ජන ගී රාවය ද චිත‍්‍රනය කරන සත්සර රටාවකින් හැඩගන්වා තිබේ.

ගී පද – නැසිගිය උපාලි ධනවල විතාන

ගැයුම – ආචාර්ය දයාරත්න රණතුංග

ලේබලය – සිල්වර්ලයින්

නිපැයුම- කෙනත් සී පෙරේරා – සිල්වර්ලයින් රෙකෝඩ් බාර් 

——————-

සරසවිදෙවගන වරම් ලබමින්, ’සිතාරය’ හැඬවූවන් වූ ’පියදාස අතුකෝරාළ’ , ’වයි ඇම් සුමනසිරි’ හා එක්වූ තෙවැන්නා ’සරත් දසනායක’ ය.

ඉන් තෙවසරකට පසු ’බිබිල මධ්‍ය මහ විදුහලේ’ සිසුදරු දැරියන් පිරිවරා එහි සංගීත කාමරයේ සුමියුරු සිතාර් තත් හඬ නැංවු ඔහුගේ රුව  නිතිපතා අගනගරයේදී ද යමෙකුට දැකිය හැකි විය.

’සෝමපාල ලීලානන්ද’ නම් වු පුවත්පත් කලාවේදී යොවුන් සහෘද රසවතා ’දසනායකයන්’ දිනක මරදානේ ’ඩ්රිබර්ග් ඇවිනියු’ (වත්මන් ජයන්ත වීරසේකර මාවත* වෙත කැඳවාගෙන ගියේය. එතැන්හිදී ඔහුගේ සිතාරයේ තත් නිම්නාද නැංවුනේ දේශයේ සංගීත කලාවේ මහාපහන් ටැඹක් බවට පත්වූ ’පේ‍්‍රමසිරි කේමදාස’ යන් ගේ මියැසි විසිතුරු වෙනුවෙනි. එහිදි ඔහු තමන්ට මුණගැසුනු නවක සිතාර් වාද්‍ය ශීල්පියා හට ’සරිගමපධනි…’ පෙරදිග ස්වර ප‍්‍රස්ථාරයන් බටහිර රේඛා ප‍්‍රස්ථාරයන් වෙත පරිවර්තනය කිරිමේ ගුරුහරුකම් කියා දුන්නේය. එයිනුදු නොනැවතී ගීතයකට ’සුසංවාද’ ’ප‍්‍රසංවාද’ (හර්මනි – කවුන්ටර් මෙලඩි පොයින්ට්ස්* ආදේශ කිරීමේ බටහිර ශීල්පීයොපක‍්‍රමයේ මුලධර්මයන් කියා දුන්නේය. එතැන් හි සිට ’දසනායක’ නම් වු මියැසි මිණිකැටය’ මනාව ඔපමට්ටම් වී ප‍්‍රභාරශ්මියෙන් වඩාත් දිදුලන්නට විය.

01   ’සීතල වතුර ගලයි ………………..’ (පන්ඩිත් අමරදේව) 

 02  ’මංගල දිනයේ රසමධු පානේ ……………’

      ’ඉවකල කොමළිය .. කුලගෙට එනවා………….’

      ’කුලගෙට එනවා  – කුලගෙට එනවා……….’

(ලතා – ධර්මදාස වල්පොළ) –

රූං රූං රුං රුං මී මැස්සෝ…..

පෙම් බඹරුන් මෙන් මී මැස්සෝ…..

(වික්ටර් රත්නායක – නන්දා මාලිනී) –

නමින් වූ අපුරු, මධූරතර ගී රටා ගැයෙන වැයෙන ’සීතල වතුර’ , ’මී මැස්සෝ’ සිනමා නාමාවලි තිරයේ ’සහය සංගීත අධ්‍යක්‍ෂ – සරත් දසනායක’ වදන් පෙළ ඒවා නැරඹූ පේ‍්‍රක්‍ෂක සහෘදයා ගේ නෙත ගැටිනි. පෙරකී අමරණීය සිංහල සිනමා ගීතයන්හි වැයෙන්නේ ඔහුගේ සිතාර් වාදනයයි.

ලක්දීපයේ මෑතකාලීන ඉතිහාසයේ, සිංහල සංගීත ලෝලීන් අත්විඳි ’ඔපෙරා’ එනම් සංගීත ස්ංධවනි වේදිකා ගතවුයේ සංගීතවේදී ’පේ‍්‍රමසිරි කේමදාසයන්’ ගේ අප‍්‍රතිහත ධෛර්යේ සහ කැපවීේම ප‍්‍රතිඵලයක් ලෙසින් බව නොදැනගත් ශ‍්‍රාවකයන් සිටිය නොහේ. ඔවූහු සිංහල සංගීත වංශ කථාවේ නව පරිච්ඡේදයක ඇරඹුම සටහන් වූ ඒ සංසිද්ධිය මහත් සොම්නස් සිතින් මෙනෙහි කරති.

1967 ඉල් මසින් 07 දාතමින්, කොළඹ කාන්තා විදුහල් ශාලාව සිසාරා නැගුනු විවිධාකාර සංගීත භාන්ඩ නාදයන් අතරේ ’සරත් දසනායක’ ද සිය සගයන් වූ ’වයි ඇම් සුමනසිරි’ සහ ’පියදාස අතුකෝරාළ’ ඇතුඵ තවත් ශීල්පීන් අර්ධ ශතකයක සංඛ්‍යාවක් ඉක්ම වූ පිරිසක්ද සමගින් සිය අතැගිලි සිතාරයේ තත් අතරේ රගදෙන්නට සළස්වා නැංවු කන්කඵ නාදරටාව ද විය.

සීතල නළවැල් තුරු අතරේ……….

මිදුම් කඳුමුදුනේ වැතිරේ …….

මේ කුඵ පියඹා යයි අඹරේ ………..

ලස්සනයි හරි ලස්සනයි…………..

—————————–

ගැයුම – නැසිගිය ඇන්ජලීන් ගුණතිලක සමග නැසිගිය හරූන් ලන්ත‍්‍රා

ගී තනුව – නැසිගිය සංගීතඥ තිලක් කරුණාතිලක

සිනමාපටය – සඳ නැග එද්දී

වසර  – 1967

’තිලක් කරුණාතිලක’ නම් වු සහෘද මියැසිනාදනිර්මාපකයාගේ මෝහණීය තනුවකින් හැඩ වූ ’සඳනැග එද්දී’ නමින්  සිනමාතීරය ඒකාලෝක වෙද්දී ගැයුනු ගීතයේ මිහිරෙන් සහෘදයන් වශීකෘත ව දැහැන්ගත වුයේ ’සරත් දසානයක’ ගේ සුළලිත ’සුසංවාද ප‍්‍රසංවාද’ ස්වරරටා සහ වැයුම් නිසාය.

’කේලම්   – මුසාබස්’ ඇතැම් ලාංකීකයන්හට එදාද අදද සැමකල්හීම ’රසබස්ය’ ප‍්‍රියතෙපුල්ය.  කෙතරම් ද යත් ඇතැමුන්හට එය ’සප්තස්වරයේ’ මිහිර අභිබවා රසය ගෙනදෙන්නේය. ඔවුනට පින්සිදුවන්නට, 70 දශකයේ මුල්යුගයේ දී සිංහල සිනමාවට ප‍්‍රතිභාපූර්ණ නවක සංගීතඥයෙකු ලෙස ’සරත් දසනායක’ දයාද කෙරෙන්නේය. ඒතාක් එක්ව කටයුතු කල ’කේමදාස – දසනායක’ සුසංයෝගය විරසකයක් බවට හැරෙද්දී ඔවූහු එතැන් හි සිට ස්වාධීනව කටයුතු කරන්නට පෙළඹෙන්නේය.

’ලස්සන නම් නෑ පෙනෙන්නේ….’

’ඉස්සර සුවඳයි දැනෙන්නේ…’

’මෙදා සොඳුරු පිය දසුන්…’

’එදා සිහිනයකි කසුන්….’

’මතක් උනත් අමිල සැපතකි….’

————————-

සේයා සළරූව – විශ්මය

වසර – 1978

ගී පද – නැසිගිය කරුණාරත්න අබේසේකර

ලෙසින් සංගීත් නිපුන් සනත් නන්දසිරි ගී නාදය මතුවුයේ ’විස්මය’ සළරුවෙනි. එය 1978 වසරේදී, සහෘද පේ‍්‍රක්‍ෂක ජනයා වෙත තිළිණ කෙරෙද්දී , ’සරත් දසනායක’ ක්‍ෂේත‍්‍රයේ බොහා් දුර පියමං කර තිබුනේ බරඅඩි තබමිනි. (මෙම සටහන් පෙළේ මුල් කොටස පරිශීලනය කරනු වටී*. එනමුදු, ඊට පදනම වැටී එය නිර්මාණය කෙරෙද්දී, එනම් 70 දශකයේ මුලාරම්භයේදී අමයුරු සත්සර රටා මවන්නෙකු ලෙස ඔහුව හඳුනගත්තෝ විරළ වූහ. එතැන්හිදීද ’සෝමපාල ලීලානන්දයන්’ ’විස්මයේ’ අර්ථපතියන් හට ’දසනායක’ පිළිබඳ තතු විත්ති හෙළිකර ඔහුගේ ගුණ වරුණාව හෙළිකර තිබුනි. ’භාත්ඛණ්ඩේ’ ඇබෑසි විදුහල වෙත අසල්වැසි භාරතය කරා යොමුවන්නට තිබු සිතැගි අකාමකා දැමූ ඔහු, ඒ වෙනුවට ’විස්මය’ ට ’උත්තරභාරතීය රාගධාරී’ සංගීත රටා පෙළක් තිළින කර දෙන්නට ඉටා ගත්තේය.

රජයේ සංගීත විදුහලේදී ’ප‍්‍රීති නීලා ජයසුන්දර’ නම් වු යුවතිය දැන හැඳින, ඇයව සිය ’ජීවන මංපෙත මලින් සරසන්නට එක්කර ගත්පසු ඔවූහු දෙපුතුන් වු ’රංග’ ’සංඛ’ සහ ’ලක්මාලී’ දියණියගේ පි‍්‍රයතෙපුළින් ජීවන ගමනේ විඩාදාහය සංසිඳවා ගත්හ.

මතු කී පරිද්දෙන්, ’විස්මය’ ට පසුව ’විස්මයජනක’ මියැසි වසන්ත සමයක උදාව සනිටුහන් කල ’සරත් දසනායක’ සංගීත යුග මෙහෙවර සම්පුර්ණ කරන්නට අත්වැල සැපයුවේ ඔහු හා සංසාරගත සෙවණැල්ලක් සේ ඇදෙමින් ආ ප‍්‍රාණසම කළණ මිතුරු ’සෝමපාල ලීලානන්ද’ ය. සදහටම හෙළ ගී කෙත සරු කරන්නට සමත් වූ, රසපූර්ණ ගීතාවලියට රන් දොරටු විවර වූ ’සදහටම ඔබ මගේ’ සිනමාපටයේ බරපැනධාරී රඹුක්කන ප‍්‍රකට ව්‍යාපාරික රසවතාණෝ ’සේන සමරසිංහ’ වෙත ඔහුව කැඳවාගෙන යන්නට ’ලීලානන්ද’යන් මෙවර සමත්විය. ඒ නිර්දේශය ලබනට, ’සරත් දසනායක’ ට වසනා මහිමය උදාකර දුන්නේ ’ජෝති’ ගැයු ’ගී තැටියයි’. ( තොරතුරු පෙර සඳහන් විය* එය ශ‍්‍රවණය කල ව්‍යාපාරික රසවතාණෝ දෙවරක් නොසිතා එකහෙළා මේ අප‍්‍රකට ආධුනික සංගීතඥයා හට සිය ’භාරදුර වගකීම’ පවරන්නට එකග වුවේය.

එතැන් හි සිට, ඒ තාක් සිංහල සිනමා ගීතාවලිය වසාගනිමින් අසල්වැසි උත්තර භාරතයෙන් ඇදී ආ ’අනුකාරක තනු’ නම් වු පොදවැසි ගෙන ආ ’අඳුරු වලා’ කෙමෙන් තුනි වී ගියේ හෙළජන ගීආර නම් වූ ප‍්‍රභාකීරණ පැතිර වු ’සරත්’ නම්වු දිනකර නිරාවරනය කරමිනි.

පෙර සඳහන් කළ ඔහුගේ සිනමා ගී රස ගගුලේ කිමිද යන්නෝ, තත්කාලීන භාරත සිනමා ගී රසය අතික‍්‍රමණය කිරීමේ භාරදුර එසේම අසීරු අභියෝගය දිනු ජයග‍්‍රාහක කිරුළට ඔහු සුදුසු වන්නේ මන්දැයි මනාව පසක් කර ගනු ඇත්තේය. එදිනෙදා බස්වහරෙන් කියු ලෙසම ’සරත් දසනායක’ රහට ගීත හැදූවේය………………..’ එය එසේ මෙසේ ’රසයක්’ නොවේ ජාත්‍යන්තරය ජයගත් අති දැවැන්ත බොලිවුඩයේ සංගීත කලාවේ දැවැන්තයන් හා හුදකලාව කරන ලද සටනකි, අරගලයකි.

එදාමෙදාතුර යුග යුග ශ‍්‍රාවක සිත් සතන් සර්වකාලීනව මෝහණය කරන නිර්මාණරසයන් තිළිණ කළ ඔහු පිළිබඳව ලාංකීක ගීත ලෝලීන් මෙන්ම සිනමා නිර්මාණකරුවන් ද, රංගනශිල්පීන්ද ආඩම්බර විය යුතුවා මෙන්ම ඔහුට කෘතවේදී පුර්වකව ණයගැති විය යුතු වන්නේය. මක් නිසාද යත්, ’70’ සහ 80 දශකයේ සිනමාව පිළිබඳව කථාබහ කරද්දී, එහි සාර්ථකත්වය පිටුපස සිටියවුන් අතර ඔහුගේ නාමය අමරණිය වන හෙයිනි.

එපණකුදු නොව , ඔහු නොවන්නට, ’70 – 80  – 90’ දශකයන්හී සිනමා ලෝලීන් සැනසූ නැළවූ ජෝති හඬ මෙතරම් ජෝතිමත් නොවන්නට ඉඩ තිබුනි.

ලක්මවගේ ඇකයේ පහස ලබන සෙස්සන් හට උරුම වූ ආයුරාරෝග සම්පත්තිය ඔහුට අහිමි වී තිබුනද, ගීතයට පෙම් බඳින ඔබටද මටද අපි සියල්ලන්හටම දිවිගමනේ දාහය විඩාව සංසිඳවා ගන්නට, සිත සැනහී සුවපත් කරවා ගන්නට මහරු මියැසි නාදරටා ගොන්නක් තිළිණකොට දී තිබේ. සටහන් මාලාවේ අන්තයට ලගා වූ මොහොතේ, මතු කී පරිදි ඔබ, ඔහුගේ ගීතාවලියෙන් වසග වි ඇතිබව නම් නිසැකය.

දීපා මිල්ටන් සරත් දසනායක වියෝ වී මේ සටහන පිළියෙළ කරන 2021 වසරේ උඳුවප් මහ දක්වා විසිදෙවසරක් ගතවි තිබේ. ඉහත ලියැවුනු සියල්ල සම්පුර්ණ කරනට ඔහු මිනිස් දිවියේ ගතකල කාලය සත්පණස්වසරක් පමණකි. හෙළ කලා කෙතේ සුවහස් සංඛ්‍යාත පේ‍්‍රක්‍ෂක දනන්, රසිකයන්, ශ‍්‍රාවකයන් පිනවූ, නැළවූ, සෙසු මහරු නිර්මාණකරුවන් බහුතරයක් සේම, සරත් දසනායක කලාකරුවාණන්ද දිවිමගේ සැටවිය ඉක්මවා යන්නට වරම් නොලැබිය. එබඳු ශිල්පීන් ගේ අකාල සමුගැනීමෙන් හිස් වී පුරන් වී ගිය ’හෙළ ගී කලා කෙත’ සැඩහිරුරැුසින් දැවී තැවි යන නිරුදක කතරක් බවට හැරෙමින් පවතිද්දී, ඔහු වැන්නේ යළි කවදා කෙසේ මතුදින පහළවේද ?

(’සරත් දසනායක’ දිවිමග තොරතුරු මුලාශ‍්‍රය – ගාන්ධර්ව අපදාන පුස්තක පෙළ – ’සරත් දසනායක’  – මහාචාර්ය සුනිල් ආරියරත්න වෙතිනි.)

පසු සටහන

ආදරණිය සංගීතවේදියාණෙනි,

හින්දි ගී රසයෙන් මත් වි සිටි කුඩා මා, ගුවන් විදුලියේ සිනමා තොරතුරු අඩපැයකින් අඩක විකාශනය වු වැඩසටහනේදී ඒ ගී පරදවන සුඵ සුමියුරු සිංහල ගීත ශ‍්‍රවණය කරන්නට ලැබී, එයින් වසග වුනෙමි. ඒ ගී ශ‍්‍රවණය කරන්නට රිසි ව, අසිරුවෙන් සපයා ගත් බරපැන සකසුරුවමින් විය පැහැදම්  කරමින් ’සිනමාහල්’ වෙතට පිවිසියෙමි. දැවැන්ත තිරය ප‍්‍රභාමත් කරමින් ඒ මත දිදුළන  නාමාවලියේ ඔබේ නාමය දුටුවෙමි.  එතැන් හි සිට දිනක අඳූරු ශාලාවෙන් තරු විසිරුනු අහස් තලය කරා පැමිණෙන හෝරාවේදීද, දිනක අවරට යන ළා හිරු රැුස් පොපියන සන්ධ්‍යා කාලයේදීද, සිතින් යළි යළිත් සියවරක් ඒ ගී මෙනෙහි කරමින් මුමුණන්නට විය. රැුය ගෙවි පැයෙන් පැය දිනෙන් දින සතියෙන් සතිය… කාලය පියඹා ගියද, හදවතේ රැුව් පිළිරැුව් දුන් ඒ අමයුරු ගී රසය තුනි වි නොගියේය. දිනෙන් දින තව තවත් නව ගී ’ගුවන් විදුලියෙන්ද’ ’තැටි ධාවකයෙන්ද’ ’පටි ධාවකයෙන්ද’ ශ‍්‍රවණය කළෙමි. ඒ දහසක් ගී රස අතරින් ඔබේ නමින් ඉපදී ගැයුනු ගී මිහිර ද බිඳකුදු බොඳවි නොගියේය.

ඒ හැම මාධ්‍යයකින් ඇසෙන්නට ගත් නව ගීතයක අපුර්වත්වයක්, පෙර නොවිඳි රසයක් මිහිරක් දැනුනු විටදී එහි නිර්මාපකයා කවුරුන් වෙත්දැයි විමසිලිමත් වූයෙමි. ආශ්චර්යයකි, ඒ ගීතය ද ඔබෙනි. ’තැටියේ’ ද ඔබේ නාමය පැහැදිළිව ලියැ වි තිබෙනු දුටුවෙමි, කැසටයේද ඒ නාමය එසේ සටහන් වී තිබිණ. ගුවනින් ඇසෙන ගීතයක වාදනය ඇරඹුමේදී ඔබගේ නාමය කියැවිණි නම්, නිසැකවම එය මා කුල්මත් කරනු ලබන බව පසක් කොට ගතිමි.

’අමර පෙම් ලතාවේ ….. ’ මියැසි ලතාවෙන් අප නැළවූ ඔබගේ වේගරිද්මය කැටිවු සංගීත වාද්‍ය රටා රැසක සංකලනයෙන් ද ගායන පෞරුෂයන් ත‍්‍රිත්වයක මුසුවෙන් ද නැගුනු ’මල් වයසේ මධු සිහිනෙන්…. සිහින ලොවකට පාවි යද්දී ගුවන් විදුලි චිත‍්‍රපට ගී වැඩසටනින් ’රොන් සොයා පියඹන සමණළියකසේ……………..’ නැග ආ ළයාන්විත ලතා ගී ලතාවෙන් හදකිතිවන්නට විය.  සතිඅග නිවසේ විවේකයේදී ආලින්දය සිසාර මතුවූ ’ත‍්‍රී සිස්ටර්ස්’ ගී රාවය අතර වූ ’සාගරය පරදා උතුරා……..’ .’වාසනාව දෝතට ගෙන සිනහ සලා……………..’ රසයෙන් පිරී ඉතිර ගියේ ඔබගේ ඉන්ද‍්‍රජාලික මියැසි පෙළහර වෙතින් බව කෙසේ අදහා ගන්නද?

ඇසළ සැණකෙළි සමයේ නෙක වර්ණ විදුලි බුබුඵ රැසින් එකාලෝක වූ ’සැණකෙළි බිමේ’ කොනක දිවයන’ ’මෙරි – ගෝ රවුමේ’ ’සතුටු සුළං රැුළි හමා ගියා….කදුඵ කලුව ඈත පැන ගියා…………’  ගී අනුවාදනයෙන් නැගුනේ ද ඔබ ගේ රිද්ම රටා බව දැනකියාගත් දා, ඔබ සක්දෙවිඳු පිනවන ’පන්සිඵ’ පරයා මතුවි නැග ආ ගාන්ධර්වයා බව පසක් කොට ගත්තෙමි.

එයාකාරයෙන් හෙළ සිනමාවේද, ගීතකලාවේද වසත් සමය පුබුදාලන්නට ඔබ කළ මෙහෙවර, ඔබ දෑරූ වෙහෙස මදකුදු ලඝුකොට තැකිය නොහේ. සහෘදයන් පිනවනු පිනිස, රටක දැයක දුලබව පහළ වන ඔබ වැන්නන් වෙත නිසි කල නිසි ලෙස හිමිවිය යුතු බුහුමන් ප‍්‍රණාම ප‍්‍රසාද අවසනාවන්ත ලෙස නොලැබ ගියද, මාද ඇතූඵ එක්තරා යුගයක් නියෝජනය කල සුවහස් සංඛ්‍යාත රසික දනන් ගේ හද පතුලේ ඔබගේ නාමය සදා නිධන්ව පවතිනු ඇත.

එබැවින්, ආදරණිය ගාන්ධර්වයාණෙනි, අසාහාය සංගීතවෙදියාණෙනි, සසර ගමන නිමා කරන්නට මත්තෙන් යළිදු වරක් හෝ සහෘද අප පිනවන්නට අප හමුවේ පහළවනු මැනවි.

නිවන් පුරට යන ගමනේ ….

සහන් එළිය දෙන ගමනේ ….

මගින් මගට නතර නොවි…

පෙරුම් පුරන්නයි …

ලක්බිම උපනුපන් ජාති මතු උපදින්නයි…….

ගැයුම – ආචාර්ය සුජාතා අත්තනායක

නිපැයුම – ගුවන් විදුලිය

යුගය – 1977 වසර පමණදී

පදගෙතුම – ආචාර්ය අජන්තා රණසිංහ

සත්සර වියමන – සරත් දසනායක අසහාය සංගීත වේදියා වෙතිනි

 ංංංංංංංංංංංංංං සමාප්තයි ංංංංංංංංංංංංංංංං

~සටහන් පෙළගැස්ම‍~

Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

භාරත සලරූ ගී උන්මාදයෙන් ලක් රසිකයන් මුදවා ගැනීමේ පෙළහර පෑ මියැසි වෙදදුරාණෝ – සංගීතවේදී නැසිගිය සරත් දසනායක – (1942-1999)  – 02 වන දිගහැරුම

ආදරණිය ’සරත් අයියා…. මුඵ සිරුරම තනිකරම සංගීතයක්, ඔහු එතරම්ම දක්‍ෂ නිර්මාණකරුවෙකු බව නොපැකිළිව හැමවිටම එක සිතින් මුඵ හදින් කියා සිටිමි.

මා ඇතුඵ අපේ කන්ඩායම වෙළඳ තැටි වෙනුවෙන් ගැයු ගීත ගණනාවකට මෙන්ම ගුවන් විදුලියේදී ගැයු ගීත වෙනුවෙන් ඔහු තැනු තනුවල ද ඒවාට මුසුකලේ සංගීතයෙන්ද නැගුනු මිහිර යුග ගණනාවක් පවතිනවා නිසැකයි.

හොඳ හදවතක් තිබුනු කලාකරුවෙක්. උතුම් ගුණ ඇති විරළ හැකියාවක් තිබු මිනිසෙක්.

’ත‍්‍රී සිස්ටර්ස්’ නායිකා ගායන ශීල්පිනී ඉන්ද‍්‍රානි පෙරේරා මහත්මිය ඔහු පිළීබඳව පැවසු වදන් රැසක් පිඬුකොට පෙර සටහන පිළීයෙළ කරන ලදී.

ඔහු ගේ ස්වාධීන මෝහනීය ගී තනු නිර්මාණ අතර මතුවු සුවිශේෂී ගීතයක් ගයන්නට ශීල්පිනි සුජාතා අත්තනායක වරම් ලද්දීය. සරණබන්ධනයක උත්සවයේ නිමාව සනිටුහන් කරන්නා වු ’මනාලිය’ සිය ආදරණිය දෙමව්පියන් හැරදා ආගන්තුකයෙකු සමග නව දිවි ගමනකට නික්ම යන මොහොතේ ඇයගේ හදතුල නැගෙන සිතුවිලි දහරාව ගී පද වදන් බවට හැරවුයේ අජන්තා රණසිංහ නම් ශූර ගී පද රචකයා විසිනි. එදවස විවහමංගල්‍යඋත්සවයන්හිදී මේ ගීතයේ අනුවාදනය වැයුනු වාර ගණන අතිමහත් විය හැකිය. බොදුනුවන් පෝරුමස්තක විමේ චාරිත‍්‍රයේදී ගැයෙන ආශිර්වාදාත්මක පාලි ස්තෝත‍්‍ර පාඨයන් වූ ’ජයමංගල ගාථා’ නාදමාලාව සියුම්ව කැටිකොට ගත් මෙහි, භාවප‍්‍රකම්පනය ප‍්‍රබලත්වය වඩාත් තිව්ර කරනට ඊට යොදා ඇති වදන් මාලාව හේතුවෙයි. සාම්ප‍්‍රදායික පරිසරයක හැදි වැඩුනු යුවතියකගේ ජීවන රටාව චිත‍්‍රනය කරන එය, එකී උද්වේගකර අවස්ථාවට මුහුණ දෙන ඔ්නෑම ළඳකගේ ළමා – නවයොවුන් වියට අදේශ කල හැකිය. ඒ අනුව ඔවූහූ ඒ මොහොතේ එයින් වඩ වඩාත් සංවේදී වෙද්දී එය ශ‍්‍රවණය කරන ’පියාණන්ගේ’ හැගුම්බර බව ඉන් වඩාත් තිව්ර කරයි.

——

ඉන්ද්රානි පෙරේරා
——-

පුංචි දවස්වල නින්දට යද්දී….

පීතු පාදං නමාමහං කියලා …

වැන්ද දෙපා යළි අදත් වඳින්නම්…

මංගල ගමනට යන්න අවසරයි පියාණෙනි…..

මල් බෝනික්කන් පූසි පැටව් ටික………

පාට ගවුම් පොඩි අද තනි වෙනවා ………..

පියාණෙනී ඔබේ ආසිරි ඉඹ ඉඹ ……

ඉරණම් ගමනක් යන්නට යනවා ………….

පියාණෙනි ඔබේ පුංචි කුමාරිය …

පුංචි මනාලිය වි යන දවසේ …

එපා අඬන්නට එපා අඬන්නට ..

පුංචි ’මුණුපුරෙක්’ කැන්දන් එන්නම්..

මා හෙට දවසේ …………….

දෙසවන පිනායන සරපුවරු වාදන, විද්යුත් ගීටාර් නාදරටා, මෙන්ම සැක්ස්ෆෝන් හඬ සංකලනයන් ඔහුගේ සිනමා සහ වෙළඳ තැටි සහ කැසට් මියැසිය සමන්විතය. එහෙත්, ගුවන් විදුලි ගීතයේදී, සිතාරයේ සහ වයලීන හඬට ඔහු වැඩි ඉඩකඩක් වෙන්කර දෙයි.

ඉන්ද‍්‍රානි පෙරේරා ශිල්පිනිය ඇතුඵ සොයුරියන් විසින් දයානන්ද ජයවර්ධනගේ ’සමන්මලී’ උදෙසා ගැයුනු ’මන්දහාසේ මන්දහාසිනී………’ (ධර්මසිරි ගමගේ)  ද, වෙළඳ තැටියක් උදෙසා ගැයුනු ’ආරධනා පුංචි පුංචි තාරකා’ (උපාලි ධනවල විතාන)  වාද්‍ය සංකලනය ඔවුන් ගුවන් විදුලියේ දී ගැයූ ’කුරුල්ලනේ නුඹලගේ සංතෝසය (කරුණාරත්න අබේසේකර) ගීතයේදී වඩාත් පෙරදිග සංගීත භාවිතාවයට නැඹුරු වෙයි. ’ගුවන් විදුලි වාද්‍ය වෘන්දය’ උදෙසා බාහිර බටහිර වාද්‍ය රසය මුසුකරගනු වස්, ඉන් පරිබාහිර ශීල්පීන් යොදාගැනීමෙන් වැළකි සිටි ඔහු ඒ කටයුත්ත ’ගුවන් විදුලි නිත්‍ය වාද්‍ය වෘන්දය’ ලවාම සිදුකරගැනීමට රිසි වුවා වැන්න. නමුත් එයින් ඔහුගේ නිර්මාණයන්හී රසපූර්ණබවෙහි කිසියම්ම හෝ අඩුවිමක් නැත්තේය.

——-
ත‍්‍රී සිස්ටර්ස් ගායිකාවෝ – 1970 – 1978
———-

1977 වසරේ  සිදුවූ දේශපාලන පෙරළියෙන්, නව අග‍්‍රමාත්‍ය ධූරය හොබවන්නට කලා හිතැති ’ආර් පේ‍්‍රමදාස’ සහෘද ජනනායකයා සමත් වු අතර, ඔහු ලංකා ගුවන් විදුලිය ඔස්සේ ’එල් පී’ ගණයේ ගී තැටියක් නිකුත්කරවා ගන්නට ද උත්සුක විය. එහි ගී නිර්මාණ ගණනාවක් සඳහා ’සරත් දසනායකයන්’ ඇරයුම් ලබන්නේ ඔහුට වඩා ජ්‍යෙෂ්ඨයෙකු වු ආචාර්ය ෂෙල්ටන් පේ‍්‍රමරත්න’ හා සමගිනි.  තැටියේ පැහැදිලිව එහි ඇතුළත් සියඵ ගී පද රචනා ’ආර් පේ‍්‍රමදාස’ ගේ ලෙස සඳහන්ය. එය නිකුත් වු වහාම, ලංකා ගුවන් විදුලිය තමන් ගේ උදා ගී විකාශනයන් උදෙසා නිතිපතා එහි අඩංගු වු ගී වාදනය කරන්නට තෝරා ගනු ලැබූහ.

01 මිනිසා මිනිසට එරෙහිව එන්නේ ……  සිතුවිලි නපුරට හැරෙන නිසයි …..(පන්ඩිත් අමරදේව)

02 සමණළ මුදුනේ සිරිපද සිඹ සිඹ උදා ඉරක් පායයි …. (ජෝති)

03 පෙරදිග අහසේ පෙරමුණ අරගෙන සිතුවිලි නවහිරු කිරණ නැගේ ….(ජෝති)

04 අහසේ ඇවිද කවදෝ හෝ විඵඹ ගෙවී …. (දයාරත්න රණතුංග)

එහිදී ඔහුගේ තනු නිර්මාණයෙන් හැඩගැන්විනි.

ඔහු එදවස ඔවුන්ට හිතැතිව සමීපව කටයුතු කළේය

ආර් පේ‍්‍රමදාස ශූරීන්ගේ නවකථාවන් වු ’ජීවන කදුඵ’, ’රන්මිණිමුතු’ පසුව සිනමා නිර්මාණ ලෙසින් දොරට වඩිද්දී, ඔහු ඒවා උදෙසා සිය ඉන්ද‍්‍රජාලික තනු මංජුසාව විවර කර, එයින් සිරුවෙන් තෝරාබෙරා ගත් රසපුර්ණත්වයෙන් අනූන ’ගී’ තනු යොදාගත්තේය. පහත සටහන් කර ඇත්තේ “සිතුවිලි” ගී තැටියෙන් මතුව, ගුවන් විදුලි උදා ගීතාවලිය රසගන්වන්නට නිරන්තරයෙන් යොදා ගත් “ජෝති” දෑ අභිමන් ගීයකි.

පෙරදිග අහසේ පෙරමුණ අරගෙන …………….

සිතුවිලි නවහිරු කිරණ නැගේ ….

පෙර රජ දරුවන් ගිය මග යන්නට ….

සැරසෙව් පෙරමග ලකුණු දිගේ …………….

මගේ රට සුරකින ජීවන දහමයි…

වැවයි දාගැබයි ඔබයි මමයි…

රන්කෙත පින්කෙත අතරින් මතුවුන…

ඉසුරු සුගන්ධය දසත හමයි……

1978 දී ශ‍්‍රී ලාංකීය සංගීත ක්‍ෂේත‍්‍රයේ සිදුවු පෙරනොවු විරූ පෙරළිය එනම් ’කැසට්’ සංගීතයේ අගමනයෙන් ද පසුව ඔහු විසින් තැනු මහා ගී තනු මන්දිරයේ ඔපය දිනෙන් දින ප‍්‍රබාතයෙන් බැබළීය. ඒ යුගයේ සිට 80 දශකයේ අවසාන යුගය තෙක් බිහිවු දහස් ගනන් කැසට් පට කංචුකයන්හි ’සරත් දසනායක’ නාමය ලියැවි තිබුනු වාර ගණනද සුඵපටු නොවේ.

රැල්ලෙන් රැල්ලට පාවෙන ඔරුවේ – විජය කුමාරණතුංග (අජන්තා රණසිංහ)

මිණි කිංකිණි හඬ පරදා මේ ගැල් ගමනේ – විජය කුමාරණතුංග (අජන්තා රණසිංහ)

නිල්ලතා පුරා – නන්දා මාලිනි (කුලරත්න ආරියවංශ)

චූටි නංගියේ අදින් පසුව අක්කා – නීලා වික‍්‍රමසිංහ (සමන් චන්ද‍්‍රනාත් වීරසිංහ)

සංසාර සාගරේ ජිවිතේ යාත‍්‍රාව – නන්දා මාලිනී – (සුනිල් ආරියරත්න)

දිසාපාමොක් ඇදුරුතුමනී  – ටී එම් ජයරත්න (උපාලි ධනවල විතාන)

ඔරුව වසා වැලි පුරවා එගොඩ ගොඩේ – ටී එම් ජයරත්න (උපාලි ධනවලවිතාන)

හැඩකාරයි මං පොඩිකාලේ – චන්ද‍්‍රානි ගුණවර්ධන (සමන් චන්ද‍්‍රනාත් වීරසිංහ)

රෑ දුරුරට දී හිම වරුසා  – පන්ඩිත් අමරදේව (අජන්තා රණසිංහ)

බොල් වී අහුරු – පන්ඩිත් අමරදේව (අජන්තා රණසිංහ)

උඩවැඩියා මලක් වගේ – සුජාතා අත්තනායක   (සමන් චන්ද‍්‍රනාත් වීරසිංහ)

රන් කුරහන් හේන උඩින්  – නිරංජලා සරෝජිනී (උපාලි ධනවල විතාන)

සරත් දසනායක ස්වාධීන අමයුරු ගී සළකුණ දැරූ අනන්‍යතාවය කිනම් වේද?

හින්දි ගී තනු බිහිවුයේ උත්තර භාරතීය ජන සංගීතයේ ආභාෂය ලබමිනි. ඒවාට පසුව බටහිර සංගීත ශීල්පීය න්‍යයානුකුලව ’හර්මනි’, ’කවුන්ටර් මෙලඩි’ අනුගත කර ’ජනප‍්‍රිය පොප් ගී’ බිහිකරගනු ලැබිය. ලාංකීය ’ආර් ඩී බර්මන්’ ’ලක්‍ෂ්මීකාන්ත් – ප්‍යොරේලාල්’ වූ ’සරත් දසනායක’ යන් සිංහල ජන සංගීතයෙන් සිය නිර්මාණපෙළ පෝෂනය කරගන්නට යෙදුනි.

උක්ත ගී පෙළ අතර සටහන් වූ

’නිල් වන ලන්දේ මල් මකරන්දෙ’් – ’පාට පොදක් තිලකලා’ – ’මුව මදහාසේ සීපද රාවේ’ – ’නිල්ල නගන ස්වර්ණ කිකිණි’ – එවන් නිර්මාණයන් ය.

ඉංග‍්‍රිසි ගී ගයමින් රසික සමාජයේ එක්තරා කොටසකට පමණක් ගී රසය බෙදාදුන් අසමසම ගී හඬකින් පරිපෝෂිත ’ඩැල්රින් ආනෝල්ඩා සූබි’ නම් වූ බර්ගර් ජාතික ගායිකාව සිංහල ශ‍්‍රාවක රසියන් වෙත හඳුන්වාදීමේ ගෞරවය ක්ලැරන්ස් විජේවර්ධනයන් හට හිමිවේ. ඒ 70 දශකයේ මැද භාගයේදීය නමුදු 80 දශකයේ උදාවේදී ඇය සිංහල සංගීතය වෙත පියවර ගණනාවකින් වඩාත් සමීප වී , ජන ගී ආර මතුකල නිර්මාණයන් උදෙසා සිය හඬ මුසුකරද්දී එහි සියඵ ගෞරව බුහුමන හිමිකරදියයුත්තේ සංගීතවේදී සරත් දසානයකයන් හටය.

’ඔළිඳ කෙළිය’ නාද රටාව සිහිගන්වන මෙහි ඇයගේ බටහිර ආරට හුරු ගී හඬින් එක්කල අපුර්වත්වය කොතරම් වේද?

බාල ගැටිස්සි කැන්දන් යන්න හදනවා……………

තරිකිට………….

දොන්ත බබක්කට ලැජ්ජයි …

දෙන්න දෙයක් නෑ …………….

——————

නිෂ්පාදනය – සිල්වර්ලයින් රේකෝඩ් බාර් 

නිෂ්පාදක – කෙනත් පෙරේරා

ගී පද – අජන්තා රණසිංහ

වසර – 1977 පමන

————————-

70 දශකයේ ගී නිර්මාණකරණයේදී සමකාලීන ගුවන් විදුලි ශිල්පීන් අනුගත වි තිබුනු නව ප‍්‍රවණතාවය වුයේ ’ජන ගී’ ආභාෂය ලබන්නට රිසි විමයි. අදාල විෂය ක්‍ෂේත‍්‍රය පිළිබඳව මනාසේ හදාරා නිර්මාණකරණයේ යෙදුනු සරත් දසනායකයන්ද ඒ අනුව කටයුතු කලා විය හැකියැයි අනුමාන කළ හැකිය. ’පාරු කවි, නෙඵම් කවි, ජසයා ලෙන්චිනා නාඩගම, රබන් ගී ඇතුලත් වෙළඳ තැටියක් උදෙසාද ඔහුගේ දායකත්වය ලැබ තිබුනි. (ලෝටස් එල් පී තැටිය – ෆෝක් සෝන්ග්ස් ඇන්ඩ් රිදම්ස් ඔෆ් ශ‍්‍රී ලංකා)

’ජන ගී ආර’ ප‍්‍රචලිත කරන්නට යෙදී, දේශිය ජන සංගීතය ප‍්‍රවර්ධනය කිරීමේ මෙහෙවරක යෙදුනු ’70 දශකයේ’ ගුවන් විදුලියේ ඒ වෙනුවෙන් විශේෂ සංගීතමය විචිත‍්‍රාංග කිහිපයක් දියත් කර තිබුනි. සී ද එස් කුලතිලකයන්ගේ අර්ථපතීත්වයෙන් දියත් කෙරුණු ’ජන සංගීත පර්යේෂණ ඒකකය’ උදෙසා ’සරත් දසනායක’ ද, දායකත්වය ලබා දුන්නේ එවකට ආධුනික ශීල්පියෙකු වූ ’අබේවර්ධන බාලසූරිය’ වෙනුවෙන් ගීතයක් නිර්මාණය කර දීමෙනි. එය පසුව ගී පද රචනා කලාවේ ප‍්‍රවිණත්වය ලද ’කුලරත්න ආරියවංශ’ ගේ කුඵඳුල් ගී සංකල්පනාව විය. ඔහුගේ මෙම අපුර්ව නිර්මාණය පසුව ලංකා ගුවන් විදුලි සංස්ථාව විසින් සිය ශ‍්‍රාවකයන් වෙත නිකුත් කළ ’සැළලිහිණියෝ’ එල් පී තැටියේ (1976) ඇතුළත් කරන්නට තෝරා ගන්නා ලද්දේය.

’ආදරයෙන් මා හද වට එතෙන ලතා………………….’

’ගම්මානෙට එළිය නුඹයි ස්වර්ණලතා …………………’

’දිගින් දිගට නිල් වරළස මුදන්නියා…………’

’නෙතින් නෙතට ඔමරි බැලුම් හෙළන්නියා………….’

’රුවින් රුවට දිළි නෙත් සිත් බඳින්නියා…..’

’දුරින් දුරට මා සිතගෙන මටත් හොර ඇදෙන්නියා…..’

’පාන්දරින් මල් පිපුනා බඹරු දනී ….’

’සිහින් තුසර පිනි වැටුනා අහස දනී…’

’සෙමෙන් විහග ගී නැගුනා පවන දනී..’

’නුඹට බැඳුනු සිත හන්දා මා විඳි දුක කවුරු දනී….’

~සටහන් පෙළගැස්ම‍~

Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…

භාරත සලරූ ගී උන්මාදයෙන් ලක් රසිකයන් මුදවා ගැනීමේ පෙළහර පෑ මියැසි වෙදදුරාණෝ – සංගීතවේදී නැසිගිය සරත් දසනායක – (1942-1999)

සිංහල සිනමා – ගුවන් විදුලි – තැටි – කැසට් ගී කලාවේ මල්බර වසන්ත සමයක අතීතාවලෝකනය.

සිනමාවේදී සේන සමරසිංහයන් ගේ අමරණිය සිනමා නිර්මාණ පෙල හේතුවෙන් සිංහල සිනමා ගී කර්මාන්තය ලැබූ අමිල සම්පත නැසිගිය සංගීතවේදී සරත් දසනායකයි.

පිළීවෙළීන් සුනිල් සාන්ත – බී ඇස් පෙරේරා – එඩ්වින් සමරදිවාකර – ෂෙල්ටන් පේ‍්‍රමරත්න –  පන්ඩිත් අමරදේව – පේ‍්‍රමසිරි කේමදාස – සෝමදාස ඇල්විටිගල යන ජ්‍යෙෂ්ඨයන්ගෙන්  පසුව ’70’ දශකයේදී පළමුවරට සිනමා පසුබිම් සංගීත නිර්මාණය, ගී තනු සහ සංගීත සංයෝජනයන් වෙත නැඹුරු ව, වහා ප‍්‍රවිණත්වය ලද ඔහු දිවයිනේ පහළ වු අති දක්‍ෂ, සුරුවිරු සිතාර් වාදන ශීල්පියෙකු බව දැන හැඳිනගත්තෝ සිමිතය.

ඉහත ලැයිස්තුව නියෝජනය කල සියඵ සංගීතවේදීන් අනුකාරක උත්තර භාරතීය සිනමා සංගීත තනු පිළිකෙව් කළෝ වෙති. ඉඳහිට, ආයෝජකයාගේ බලවත් පෙරැුත්තය නිසා උපුටාගත් තනු එකක් දෙකක් භාවිතා කළද ඔවුන්ගේ නිර්මාණ සියල්ලම පාහේ පූර්ණ ස්වත‍්‍රන්ත‍්‍රය.

එම් කේ රොක්සාමි – ආර් මුත්තුසාමි යුගළයද මියුරු රසපූර්ණ ස්වාධීන නිර්මාණපෙළකින් සිංහල සිනමා ගීතය සැරසූහ. එහෙත් ඔවුන් ද අන්සතු තනු නිර්මාණයන් එක්තරා සංඛ්‍යාවක් සිරු මාරුවෙන් සපයා ගත්හ.

පෙර කී ශීල්පි ලැයිස්තුව වෙත, නොපැකිළිව ඇතුළත් කල හැකි ’සරත් දසනායක’, මධූරතර ගී පෙළක් සිංහල සිනමා ගීතාවලියට දායාද කොට දුන්නේය.

සදහටම ඔබ මගේ – 1973

පෙම්රස වෑහෙන මංගල ගීතේ – අමර පෙම් ලතාවේ – දෑසේ මාගේ සැතපෙනා  – වාසනාව දොර ඇරලා බලනවා

නිල්ල සොයා – 1976

නිල්ල නගන ස්වර්ණ කිකිණී – දෑසේ මාගේ සැතපෙනා – සිටු මැදුරේ හෝ පුංචි පැලේ හෝ 

කස්තුරි සුවඳ – 1975

පාට පොදක් තිලකලා – මල් වයසේ මධු සිහිනේ – පෙම්වතියන්ගේ මහ සාගරේ – ලස්සන ලෝකෙක ඉපදීලා  – ගිගිරි ජගරි

ආශා දෑසින් – 1978

විකසිත පැතුමන් ඔබෙ ළයේ – අනංග රංගී එමල් සැරය වැදීලා – මුව මදහාසේ සීපද රාවේ- ආරාධනා ඉවසා

මල් කැකුඵ – 1980

සාගර ඉවුරේ – බිඳු බිඳු කදුඵ ගලා – හසරැල් සුසුමන්

චංචල රේඛා – 1982

කීන දං මිටක් කඩං ආවා – හස කැඵම් උදා වේවා එදා සේ – මී අඹ අත්තේ කොහෝ කොහෝ 

ඈතින් ඈතට – 1983

බෝධියේ විහාරයේ පිදු පියුම් වැනිවූ – රන්මාල රන්තෝඩු හංගා තියා – කැන්දන් යන්නං රන්මල් මාලා දාලා – සීතයි හරියට හිම ගානයි.

සදාකල් රැඳේවා – 1985

මෙය මා පැතූ ජවිතේ බඳු  – මා පුතුනේ ….

සිංහ පැටවු – 1988

ලංකා හෝ ලංකා එතෙර පවා ලංකා – මින්පෙරත් ඔබ මගෙදෝ

නම් වු ’සේන සමරසිංහ සිනමා නිර්මාණ’  ලැයිස්තුවේ ගී ගැයු ගායක ගායිකාවන් සඳහන් කරනු අනවශ්‍ය වන්නේ ඒවා එතරම්ම සිනමා ලෝලි ශ‍්‍රාවක රසික ප‍්‍රසාදයට ලක් වී පවතින නිසාත්,ඒවා පිළීබදව ඔවුන් හොඳින් දැනුවත් වී ඇති නිසාත්ය. ඒවායේ ගී පබැඳුම් අති බහුතරය සේන සමරසිංහ – සරත් දසනායක සුසංයෝගයේ නොබිඳුනු රන්දාමය වු ප‍්‍රවිණ පුවත්පත් කලාවේදී ’සෝමපාල ලිලානන්ද’ ගෙනි.

ඉන් පරිබාහිරව, ඔහුගේ ගී රසඋල්පතින් වෑහුනු නොසිඳෙන නොබිඳෙන රස ගී පැන් වරුසා අතර
 

ලෙනින් මොරායස් හැදූ ආවා සොයා ආදරේ  – 1974

රන්මසු රන්කිරි ගරුඬ තලාවක  – ජෝති  – ඇන්ජලීන් (කරුණාරත්න අබේසේකර)

මා සැඩ සුළගක මැදිවි පැටලීලා – ලතා වල්පොළ  – එම

රොන් සොයා පියඹන සමණලියක සේ – ලතා වල්පොළ – එම

සොයා සොයා එමි දැකුමට ඇත්තේ – ලතා වල්පොළ ඇතුඵ පිරිස  – එම

රංජිත් පෙරේරා තැනූ දිනුම් කණුව – 1974

මියුරු කල්පනා නෙතක දැල්වුනා – වික්ටර් රත්නායක, (පේ‍්‍රමකිර්ති  ද අල්විස්)

ඉරට අකීකරු සඳට අකීකරු – ඉන්ද‍්‍රානි පෙරේරා – (සුනිල් ආරියරත්න)
 

තිමති වීරරත්න ගේ ’සංගීතා’ – 1975

ඔබේ සැම මගේ සතුටයි –  ජෝති (කරු අබේසේකර)

ලෝකයේ වෙනස් වුනේ  – ජෝති (කරු අබේසේකර)

සල් සපු නා නිල් මානෙල් – ජෝති (කරු අබේසේකර)

මී පිරුණු සුවඳ මල් වනේ  – ජෝති – ඇන්ජලීන් (එම)

ඉර හඳ වැඳලා – ජෝති  – ඇන්ජලීන් (එම)
 

චන්ඩි පුතා – 1975

අම්මලා දුක් ගන්නේ  – ලතා වල්පොළ (සෝමපාල ලීලානන්ද)

බඹරා වගේ ඇත තවම විසේ – ජෝති (ජෝර්ජ් ලෙස්ලි රණසිංහ)

තනියේ ආවාරේ – ඇන්ජලීන් (සෝමපාල ලීලානන්ද)
 

විජය ධර්ම ශ‍්‍රී නිර්මාණ – දුහුඵ මලක් – 1976

බොඳ මිදුම් කදුරැල්ලේ – අබේවර්ධන බාලසූරිය  – සුජාතා අත්තනායක (අජන්තා රණසිංහ)

රෝමය ලෙසේ  – මිල්ටන් මල්ලවාරච්චි (පේ‍්‍රමකීර්ති ද අල්විස්)

රන් කෙන්දෙන් බැඳ අතැගිලි එක්කල – නන්දා මාලිනී (අජන්තා රණසිංහ)

සීතලේ වෙලී තාරුකා දිලී – ඉන්ද‍්‍රානි පෙරේරා (පේ‍්‍රමකීර්ති ද අල්විස්)
 

යළිත් ලෙනින් මොරායස් වෙතින්  – උන්නත් දාහයි මලත් දාහයි – 1976

නිල්මිනි සැංගි පාවෙි – ලතා වල්පොළ (කරුණාරත්න අබේසේකර)

යළි යළිත් ලෙනින් මොරායස් ගෙන් – හිතුවොත් හිතුවාමයි  – 1977

චුක්කි චුක්කි චුක්කි කියලා මාව රවටලා  – ලතා වල්පොළ – වික්ටර් රත්නායක (ඔගස්ටස් විනයාගරත්නම්)

ආදර කිතියෙන් හද සැඵනා දැනුනා දැනුනා රස දැනුනා – ලතා වල්පොළ (ඔගස්ටස් විනයාගරත්නම්)

මා එදා දෑතින් සනහා ඔබ දුන්  – ඇන්ජලීන් ගුණතිලක (ජෝර්ජ් ලෙස්ලි රණසිංහ)
 

ජේ කේ චාල්ස් පෙරේරා ගේ  – විස්මය – 1978

ලස්සන නම් නෑ පෙනෙන්නේ  – සනත් නන්දසිරි (කරුණාරත්න අබේසේකර)

අමුතු අමුතු අරුණඵ මල් – සනත් නන්දසිරි (ඩෝල්ටන් අල්විස්)
 

මිල්ටන් ජයවර්ධන හැදූ  – මධුවන්තී – 1978

පැතුම් නිනව්වේ ආශා සුන්වි – මිල්ටන් මල්ලවාරච්චි (ඔගස්ටස් විනයාගරත්නම්)

ගිගිරි කිඳුරු රාවේ සවන් පුරා යාවේ – ජෝති – ඇන්ජලීන් (ඔගස්ටස්)
 

දයානන්ද ජයවර්ධන නිර්මාණ – සමන්මලී – 1979

ආශා මල් පවන් දල්වලා  – ලතා – ධර්මදාස වල්පොළ (සිරිල් ඒ සීලවිමල)

හදවත මාගේ තටුසලා – ජෝති – ඇන්ජලීන් (කරුණාරත්න අබේසේකර)

මන්දහාසි මන්දහාසිනි – ත‍්‍රී සිස්ටර්ස් (ධර්මසිරි ගමගේ)
 

මිල්ටන් ජයවර්ධන හැදූ – නුවන් රේණු – 1979

සැන්දෑවේ මා හා කිදේ රහසේ – මිල්ටන් මල්ලවාරච්චි (ඔගස්ටස් විනයාගරත්නම්)

මේ සීත නිල්ල මියුරු සමීරේ – වික්ටර් රත්නායක සහ ලතා වල්පොළ (අජන්තා රණසිංහ)
 

දයා විමලවීර ගේ  – ජීවන කදුඵ – 1979

සුරංගනා ලොවින් බසින් කුමරියේ – ජෝති – ඇන්ජලීන් (උපාලි ධනවලවිතාන)

සිඳු පතුලේ මුතු  – ඇන්ජලීන් (ධර්මසිරි ගමගේ)

සිතිවිලි සයුරේ රළරැලි අතරේ  – චන්ද‍්‍රිකා සිරිවර්ධන (ඇන්ටන් අල්විස්)

යසපාලිත නානායක්කාර නිර්මාණ – ටක් ටික් ටුක් – 1980

යන එන හැමතැන සොයන්නේමි – ජෝති (ඔගස්ටස් විනයාගරත්නම්)

නිසංසලේ සැලේ කැඵම් පෑහේ – ජෝති – ඇන්ජලීන් (ඔගස්ටස් විනයාගරත්නම්)
 

යසපාලිත නානායක්කාර නිර්මාණ – මුවන් පැළැස්ස – 02 – 1980

පැණි මොර මල් පැණී මොර මල් – ටී එම් ජයරත්න (ජෝරජ් ලෙස්ලි රණසිංහ)

නිල්වන ලන්දේ මල් මකරන්දේ – වික්ටර් රත්නායක – නන්දා මාලිනී (අජන්තා රණසිංහ)

හර්බට් රංජිත් පීරිස් ගේ ’එක්ටැම්ගේ’  – 1980

උන්මාද සිතුවම් මැවේ බිඳේ – ගුණදාස කපුගේ (සුනිල් ආරියරත්න)
 

යසපාලිත නානායක්කාර හැදූ නැවත හමුවෙමු – 1982

සිහින අහසේ වසන්තේ  – ජෝති – ගේ‍්‍රෂන්  (උපාලි ධනවල විතාන)

සෙනෙහස පෑවා යළි හමුවූවා – ජෝති  – ඇන්ජලීන් (බන්ඩාර කේ විජේතුංග)
 

දයා විමලවීර – මිහිදුම් සිහින – 1982

සරා සඳේ සිනහා සේලේ – ජෝති (කුලරත්න ආරියවංශ)

කදුළැලි නෑනේ අප රැුහේ – මිල්ටන් මල්ලවාරච්චි – චන්ද‍්‍රිකා සිරිවර්ධන ඇතුඵ පිරිස 

මල් තලාවේ රෑ වලාවේ – ලතා වල්පොළ – (අජන්තා රණසිංහ)

සාස්තරේ සාස්තරේ කාටදෝ – ඇන්ජලීන් 
 

මාලිනී ෆොන්සේකා නිර්මාණ – සසර චේතනා – 1984

බුදුනේ බුදු පියාණෙනි  – ටී ෂෙල්ටන් පෙරේරා (සුනිල් ආරියරත්න)

හිම කඳු යහනේ  – ගේ‍්‍රෂන් ආනන්ද – නිරංජලා සරෝජිනී (කුලරත්න ආරියවංශ)
 

යසපාලිත නානායක්කාර ගේ ජය සිකුරුයි – 1984

පායා දිනිඳු පායා – ඇන්ජලීන් (දයාසේන ගුණසිංහ)

නන්දන උයනේ මියුරස තවරා ගේනා  – ජෝති ඇන්ජලීන් (සුනිල් ගුණවර්ධන)

මල් සිනහා පෑවේ නිල් ගගුලේ – ගේ‍්‍රෂන් ආනන්ද (බන්ඩාර කේ විජේතුංග)
 

සුනිල් සෝම පීරිස් ගේ දිනුම – 1986

හිතුමතේ ජිවිතේ කඩුතුඩු මත – ගේ‍්‍රෂන් ආනන්ද (පේ‍්‍රමකීර්ති ද අල්විස්)

ඩිං ඩොං ඔ් බේබි සිංග් අ ‍සොන්ග් – ගේ‍්‍රෂන් ආනන්ද  (බන්ඩාර කේ විජේතුංග)

මල් රොන් වයසේ පෙම් කවි ලෝකේ – ගේ‍්‍රෂන් ආනන්ද සමග ඇන්ජලීන් (බන්ඩාර කේ විජේතුංග)
 

රෝයි ද සිල්වා ගේ ගෙදර බුදුන් අම්මා – 1988

සක්වල එතෙරට ඇසෙනා  – නන්දා මාලිනී  – එඩ්වර්ඩ් ජයකොඩි
 

(පෙරකී ලැයිස්තුවට ඇතුලත් කරනු ලැබුවේ ඔහු ගේ අතිශය ජනප‍්‍රියත්වයට පත්වූ ගී නිර්මාණ සංක්‍ෂිප්තවය.)

1983 – බෝධීයේ විහාරයේ, (ඈතින් ඈතට – නීලා වික‍්‍රමසිංහ)  1984 – බුදුනේ බුදු පියාණෙනි (සසර චේතනා  – ටී ෂෙල්ටන් පෙරේරා)   ජනපති සම්මාන, සරසවි සම්මානිත ගී නිර්මාන බිහිකල ඔහු තමා උපයා සපයා ගත් බරපැන යොදා දයා විමලවීරයන් ගේ අදියුරු භූමිකාවෙන් නිර්මාණය කරල ලද ’මිහිදුම් සිහින’ – 1982 වෙනුවෙන් ජෝති ගැයු ’සරා සඳේ සිනාහ සේලේ’ නිර්මාණය අරභයා ජනාධිපති සම්මාන දිනා ගත්තේය. මෙළෙසින් ඔහුගේ නොසිඳෙන ගී උල්පතින් මතුවුයේ සිනමා ගී පමණකුදු නොවේ. සංඛ්‍යාත්මකව  ඒවා ඉක්මවා රසපුර්ණ වේගරිද්ම වෙළඳ ගී තැටි නිර්මාණ රැසක් ද ඊට ඇතුළත්ය. ඒවා අතර වැඩිමනත්ව ඇත්තේ ඉන්ද‍්‍රානි පෙරේරා සිය සොයුරියන් දෙපොළ හා එක්ව ගැයු ත‍්‍රී සිස්ටර්ස් ගී තැටි නිර්මාණයන්ය. ඒවාද එදාමෙදා තුර නොමද රසික සම්භාවනාවට පාත‍්‍ර වෙමින් අඩසියවසකට පසු අදද ජනප‍්‍රියතම ගීත ලෙස කිරුඵ පැළඳ සිටී.

සාගරය පරදා උතුරා (පේ‍්‍රමකීර්ති ද අල්විස්), අපි මිතුරෝ මුහුදු ගියෝ (කරුණාරත්න අබේසේකර), . වාසනාව දෝතට ගෙන (කරුණාරත්න අබේසේකර),නෙල්ලි කැලේ වැල්ල දිගේ (පේ‍්‍රමකීර්ති ද අල්විස්), මගේ හිත වෙනතක යා වි ඇතිබව (කේ ඩි කේ ධර්මවර්ධන), සතුටු සුළං රැලි හමා ගියා (කරුණාරත්න අබේසේකර), කවුදෝ කවුදෝ මා සෙව්වේ (කේ ඩි කේ ධර්මවර්ධන), තැල්ල ගෙලේ ලා ඉහේ මල් ගවසාලා (කරුණාරත්න අබේසේකර),රුහුණු බිමේ කතරගමේ කඳ සුරිඳේ (කරුණාරත්න අබේසේකර),පෑහි එක ලෙස බැඳි බොමු අපි ජය පානේ (හේම ශ‍්‍රී ද අල්විස්), පවුරු වළල්ලක් බැඳලා (කරුණාරත්න අබේසේකර), එක කූඩුවක හැදි (පේ‍්‍රමකීර්ති ද අල්විස්)

එහෙත්, ඔහු ගේ සිනමාගමනයට පුර්ණ ලෙස දොරටු විවර වූ, දෛවෝපගත වෙළඳ තැටිය උදෙසා හඬ දායකත්වය පිරිනැමුවේ ද එවකට සිංහල සිනමා ගී ලෝකයේ අගරජු ලෙස කිරුඵ දරා සිටි ’ජෝති’ ය. ඒ 1972 වසරේදී පමන සංගීතඥ ’ෂන්මුගම්’ ගේ තනු නිර්මාණ රැගත් ඔහු විසින්ම තම නමින් ’ෂාන්ස්’ නම් වු ලේබලයෙන් නිකුත් කල වෙළඳ තැටියක් උදෙසාය. එහි අනුක‍්‍රමික අංකය – ෂාන්ස් 1001 වේ. විවිධ මුලාශ‍්‍ර වල මෙම තැටියේ ඇතුළත් ගීත 04 පිළිබඳව විවිධාකාරයෙන් සඳහන් කෙරී තිබිණ. එහෙත් අදාළ තැටිය පිරික්සීමේදී එහි සත්‍ය ලෙසම ඇතුළත් වි තිබුනේ ගීත 03 කි.

01 නීල දෑස පුරා …සිහින් ලෙවෙන් පෙරා (කරුණාරත්න අබේසේකර)

02 අද අමුතුම රැයකි ..හොඳ සීතල පැයකි….(කරුණාරත්න අබේසේකර)

03 මල්සර මල් දුන්නේ…(කරුණාරත්න අබේසේකර)

04 බයිලා අනුවාදයක් 

————————–

දිය පොදක් වෙමින් තොල් වියළෙන පිපාසෙට…

නුගරුකක් වෙමින් උතුරා යන විඩාවට…

පිපි මලක් වුනා මල් නොපිපුණු තටාකෙට ….

ඔබ අගෙයි ළඳේ හෙට අදටත් වඩාමට….

අරුත් සුන් වදන් පවසන ගිරව් දොඩමඵ ..

හෙටත් නගපුදෙන් ඔය කිචිබිචිය සුඵ සුඵ ….

තිගැස්සි වෙමින් ඔබ විය යුතුද බියසුඵ …

දකින්නට ලැබෙයි අපටත් සිසිල අරුනඵ ….

——————

නිෂ්පාදනය – ලංකා ගුවන් විදුලිය.
වසර – 1972 පමන

———————–

ඊට අමතරව එවකට ’තිලකසිරි රත්නායක’ වැනි ආධුනික ශීල්පීන් එකරැයින් ජනප‍්‍රසාදය හිනිපෙත්ත වෙත ඔසවා තැබූ

තුංමංසල ලග බලා සිටින්නෙමි (උපාලි ධනවල විතාන)

සුමුදු රටා එපා ළඳේ (උපාලි ධනවල විතාන)
 

ගුවන් විදුලි සහ සිනමා ගීයෙන් රසික හදවත් මෝහණය කල ඉන්ද‍්‍රානි විජයබන්ඩාර වෙළඳ තැටි ගී කලාවෙන් මතුවු

පුරා හඳේ සිනා වගේ (ධර්මසිරි ගමගේ)

ආවේ ආවේ බයෙන් වගේ (ධර්මසිරි ගමගේ)

හිරෝෂිමා පුරවරයේ මල් යායේ (කේ ඩි කේ ධර්මවර්ධන)

මේ දෑස මාගේ (ධර්මසිරි ගමගේ)
 

’දයාරත්න රණතුංග – නිලා වික‍්‍රමසිංහ’ නම් වු ප‍්‍රවිණයන් වෙළඳ ගී තැටියෙන් පුනරාගමනය කල

පෙම් සිළිලාරේ තුන්සිත විහිදී (කරුණාරත්න අබේසේකර)

හිමිදිරියේ හිරු එළියට (උපාලි ධනවල විතාන)

උදුම්බරා මනාලියේ රුවින් උතුම් (උපාලි ධනවලවිතාන)

50 දශකයේ රිදිතිරයේ  මතු වු නැවුම්  පෙම්ගීහඬ ලතා වල්පොළ ගී තැටි කලාවෙන් හැඩකල

සංසාරේ පතා ආවේ පෙම්බරා ගේ ලෝකේ (චිත‍්‍රානන්ද අබේසේකර)

මල්සර හිනැහෙන්නේ සත්සර නදදෙන්නේ (කරුණාරත්න අබේසේකර)
 

පන්ඩිත් අමරදේවයන් ද රසයෙන් මත්කල

පාවෙලා නිල් වළාවේ නදී තලාවේ (කුලරත්න ආරියවංශ)
රෑ දුරැ රට හිම වරැසා (අජන්තා රණසිංහ)

ඔහුගේ සත්සරයෙන් හැඩවෙද්දී, යෞවනයන්ගේ සිහින ගී කිරුඵ දැරූ පේ‍්‍රමණීය හඬ ’මිල්ටන් මල්ලවාරච්චි’ ද විය.

සිනාරැල්ල සිසි කිරණේ (චිත‍්‍රානන්ද අබේසේකර)

පෙර එක දවසක සඳ නැති සවසක (උපාලි ධනවල විතාන)

ඔබ දැන් කීවත් කදුඵ සලා (චිත‍්‍රානන්ද අබේසේකර)

දෙනෝ දහස් ගැවසෙන සරසවියේ (විජය රාමණායක)

ඔබ වෙනුවෙන් ලියු දහසක් ගී වැල් (බන්ඩාර කේ විජේතුංග)

නීල දෑස දෑසේ සතපාලා (උපාලි ධනවල විතාන)

අප එක පදෙසක නිවසන්නේ (කේ ඩි කේ ධර්මවර්ධන)

මා නුවන් හඬවා (කේ ඩි කේ ධර්මවර්ධන)

ඔබේ සිනාවේ සිනා ඉනාවේ (කේ ඩි කේ ධර්මවර්ධන)

——————————-

ඔබේ සිනාවේ …සිනා ඉනාවේ…

හැගුම් රැඳි ආවේ මත් විහගුන් වාගේ …

ලැගුම් සොයාවි සොයාවි……………..

————————

ලේබලය – ජෙම්ටෝන්

ගී පද – නැසිගිය කේ ඩි කේ ධර්මවර්ධන

වසර – 1974 පමණ

සරත් දසනායකයන් පෙරදිග සංගීතයේ මෙන්ම බටහිර සංගීත ශීල්පියෝපක‍්‍රම ඉතා හොඳින් හදාරා ඒවා මනාව ග‍්‍රහනය කරගනු ලැබුවා පමණක් නොව ඉතා හුරුබුහුටි ලෙසත්, චමත්කාර ජනක ලෙසත් ඒවා සිය නිර්මාණ හරහා ජනගත කරනන්ට යෙදුනු බවට ඉහත ශ‍්‍රවණය කරන්නට ඉදිරිපත් කොට ඇති ගීත රසවින්දනයෙන්, මනා ලෙස වටහගත හැක්කේය.

ඔහුගේ සංගීත නිර්මාණ ඉතා හොඳින් දෙසවන,හිස,ගෙල, බාහු, පාද, වටොර කාන්තිමත් ආභරනයන්ගෙන් සරසා ගත් උඩරට මනාලියක් වැන්න, ඒ කෙසේද යත්, ඒවා රසයෙන් අනූනය, මිහිරි වන්නේ තනුවෙන් පමණක් නොව, මුසුකොට ඇති අන්තර් – ආමුඛ සංගීත ඛන්ඩයන්ගේද රසපූර්ණත්වයෙනි. කිසිවෙකුට හෝ කිසිම අයුරකින් ඔහු තම, එක්තරා සංගීත ආරකට පමණක් ඇබ්බැහි වූ, නිපුනතාවයක් දැක්වූ, නිර්මාණකරුවෙකු ලෙස ලඝුකොට තබන්නට ඔහු ඉඩ තැබුවේ නැති බවට නිදසුන් එමටය. මෙම ලිපිමාලාවේ මතු දැක්වෙන විවිධාකාර වු ගීත ශ‍්‍රවණයේදී ඒය පසක් කොට ගත හැකි වනවා ඇත.

ටික්කි ටිකිරි ටිකිරි සිනා පාලා ……………

රන් වළල්ල අතේ දමාලා …………….

ඉගක් නළෝලා හදක් නළෝලා ….

ආවේ රන් මැණීකා ………….

මල් වැටිච්ච පාට රෙද්ද හරිම ලස්සනයි…..

දකින දකින අයගේ ඇස් පිනයි…..

පරෙවි කිරිල්ලි..වගේ ඉගිල්ලී ….

ඈ යයි මුකුඵ පෙන්වලා …

————–

ගී පද  – අජන්තා රණසිංහ

ලේබලය – සිල්වර්ලයින්

ගැයුම – ඩැල්රීන් ආනෝල්ඩා සූබි

වසර – 1977 පමන

70 දශකයේ ගී පුෂ්පකරණියේ සුපිපි අරවින්දයක් වු ඔහු එසැණීන් යුහුසුඵව නොපමාව සිය කාර්ය භාරය පුඵල්කරගන්නට නොපැකිළිය. සිනමාවෙන් – වෙළඳ තැටියෙන් නතර නොවු ඔහු ගුවන් විදුලි සරළ ගීත නිර්මාණ කලාව වෙත පිවිසිමෙන් එහිද සිය නිසග ප‍්‍රතිභාවය විදහා දැක්විය. ඔහු ගේ ස්වර සංකලනයෙන්ගෙන් එසේ හැඩවැඩ ගැන්වු එකදු ගීතයක් හෝ ශ‍්‍රාවක හද පැහැර නොගත්තේ නම් එය ඉතා විරළ සිදුවිමක් විය. පහත නිදසුන් විමසනු වටී

උදෑසනම පොඩි අපි දිව එනවා  (ලලිත් සිරිවර්ධන ඇතුඵ පිරිස ගැයු ළමා ගීයකි), ගී පද  – ගාමිණි විජේතුංග

කුරුම්බැට්ටි මැසිමේ මගේ (එල්සි රොද‍්‍රිගෝ ළමා ගීය) – අජන්තා රණසිංහ

උක්දඬු දුන්නෙන් උපන්නෙමි (චන්ද‍්‍රිකා සිරිවර්ධන සරළ ගීයකි) – ගී පද – සමන් චන්ද‍්‍රනාත් විරසිංහ

දැයේ නමින් පෙර දිවිදී මගේ දෝතට (චන්ද‍්‍රිකා) – සමන් චන්ද‍්‍රනාත්

සූරිය කුමරුන් වඩින උදෑසන තුන් සිංහලයට (සුජාතා අත්තනායක)  – උපාලි ධනවල විතාන

කුරුල්ලනේ නුඹලගේ සංතෝසය මදකට අපට දියෝ (ඉන්ද‍්‍රානි පෙරේරා  – මල්ලිකා සහ අයිරාංගනී* – කරුණාරත්න අබේසේකර

සඳ කිඳුරි මා සඳ කිඳුරි – (ඉන්ද‍්‍රානී පෙරේරා) – සුනිල් ආරියරත්න

වසර ගනන් ඇසුරේ සිටියත්  – (ඉන්ද‍්‍රානී පෙරේරා) – ධර්ම ශ‍්‍රී වික‍්‍රමසිංහ

රැ පැල් රකින කුරහන් පැහෙනා හේනේ – (අබේවර්ධන බාලසූරිය සමග ත්‍යාගා එන් එඩ්වර්ඩ්) – අජන්තා රණසිංහ

ආදරයෙන් මා හද වට එතෙන ලතා  – (අබේවර්ධන බාලසූරිය)- කුලරත්න ආරියවංශ මංගල ගී පද රචනය. 

දිය පොදක් වෙමින් තොල් වියළෙන පිපාසෙට   (ජෝති – ගුවන් විදුලි ගී) ගී පද කරුණාරත්න අබේසේකර

අනන්ත සුදුරළ රැුලි විසිරෙයි (ජෝති  – ගුවන් විදුලි) – කරුණාරත්න අබේසේකර

රතු මල් ගවුමට ලස්සන වැටුනා (ඉන්ද්රානී  – ගුවන් විදුලි ගී) – ඩොනල්ඩ් අයිවන්

නිවන් පුරට යන ගමනේ සහන් එළිය දෙන ගමනේ (සුජාතා අත්තනායක* – අජන්තා රණසිංහ

රන්ඩු වෙවි යාඵ වෙවි දුවපැන වතු මිදුලේ (චන්ද‍්‍රිකා සිරිවර්ධන සහ සුනිල් සිරිවර්ධන) – සමන් චන්ද‍්‍රනාත් වීරසිංහ

නවමිනි රන්මුතු ඇත පිරිලා (ජෝති – ගුවන් විදුලි) – කරුණාරත්න අබේසේකර

——————————-

උක්දඬ දුන්නෙන් උපන්නෙමි…..

මල් මල් උයනක වෙසෙන්නෙමි…

රැ සඳ ලෙස හිනැහෙන්නෙමි…

මමයි අප්සරාවි……

සුමධුර ගීත ගායාලා…

ඔබටයි අමතන්නේ …

මා හද මල් බඳුනේ….

පෙම්මල හිනැහෙන්නේ …

එදා ඔහු විසින් රසගන්වන්නට යෙදුනු නිර්මාණ එදා ලෙසම එහි නැවුම් නොඉඳුල් ස්වරූපයෙන් ඇතැම් අවස්ථාවන්හිදී සම්පුර්ණවද, ඇතැම් විට ලුහුඬින්ද ශ‍්‍රවණය කරන්නට යෙදුනු සංගීත කලාව පිළීබඳව අවබෝධයක් ලද නොලද සියඵ රසිකයන්හට ’සරත් දසනායක සංගීත භාවිතය’ පිළිබදව යම් නිශ්චිත නිගමනයන්ට එළෙඹෙන්නට අවස්ථාවක් ලබන්නට ඇත. ඔහු පිළිබඳව අත්නොහැර, කිවයුතු දෑ බොහෝය එබැවින්……………………

———————————(සරත් දසනායක ගී මියැසි රාවයේ මහිමය මෙතැන් සිට ඉදිරියට මතු දිනයකදී……)

~සටහන් පෙළගැස්ම‍~

Prabath Rajasooriya

ලිපියේ දැනුම මිතුරන් සමගින් බෙදා ගන්න

ඔබගේ අදහස් ඉදිරිපත් කරන්න…