ගීත කලාවේ දැන් තිබෙන අර්බුධ ගැන පසුගිය දින කීපයේම කථා වුනා. විවේචනාත්මක අදහස් පලවුනා. පැරණි ගීත නව සංගීතය තුලින් විකෘති වීම, පැරණි ගීත සුපර් ස්ටාර්ස්ලා විසින් වෙනස් කර ගායනා කිරීම, ගීත මංකොල්ලය, දේශීය ජන ගී – ඉන්දියානු රාගධාරී හෝ සරල ශාස්ත්‍රීය නිර්මාණ වලින් බැහැරව බටහිර සම්ප්‍රදායන් නොගැලපෙන ලෙස යොදා ගැනීම මේ අතර ප්‍රමුඛ වුනා.
.
පැරණි ගීත වලට නව සංගීතය යොදාගැනීම හොඳද නැද්ද යන්න ගැන ඇත්තේ විවිධ මතයන්. මුල් ගීතයට හානියක් නොවන අයුරින් හෝ මුල් ගීයේ රසය උද්දීපනය වන අයුරින් නව තාක්ෂණය යොදා ගැනීම වරදක් නෑ.
.
“චූන් පාන්” රථයෙන් පිටවන නාදය ඔබට ඉතා හුරුයි. ඒ ශබ්දය නීරස ඝෝශාකාරී නාදයක්. බොහෝ ප්‍රදේශ වලදී චූන් පාන් රථයෙන් නාද වනුයේ ලෝක ප්‍රකට අද්විතීය සංගීතවේදී ලුඩ්විග් වෑන් බිතෝවන් ගේ “Für Elise” නම් පියානෝ වාදනයි.
.
බලන්න තාක්ෂණය වැරදි අයුරින් යොදා ගැනීම නිසා මිලකල නොහැකි සංගීත නිර්මාණයකට වී ඇති හානිය. අපේ පැරණි අගනා ගීත වලටත් බොහෝ අවස්ථා වලදී හානිවී ඇත්තේ මේ අයුරින්මයි. වගකිව යුතු පුද්ගලයන් නිහඬව සිටියොත් අනාගත පරපුරට මේ මියුරු සුභාවිත ගීත අසන්නට නොලැබේවි.
ජනක බොරලැස්ස
ලිපියේ දැනුම මිතුරන් සමගින් බෙදා ගන්න
ඔබගේ අදහස් ඉදිරිපත් කරන්න…